लाजिरवाण्या पराभवांनंतर पाकिस्तान क्रिकेट बोर्डात भूकंप, अध्यक्ष झका अश्रफ यांचा राजीनामा
Authored by भक्ती गुरव | महाराष्ट्र टाइम्स.कॉम | Updated: 20 Jan 2024, 10:27 am
Pakistan Cricket Board: पाकिस्तान क्रिकेट बोर्डाचे प्रमुख झका अश्रफ यांनी आपल्या पदाचा राजीनामा दिला आहे. संघाच्या सततच्या खराब कामगिरीमुळे त्याने आपले पद सोडण्याचा निर्णय घेतल्याचे मानले जात आहे.
मीडिया रिपोर्ट्सनुसार, १९ जानेवारी रोजी व्यवस्थापन समितीच्या बैठकीनंतर झका अश्रफ यांनी राजीनामा दिला आहे. राजीनामा सादर करताना त्यांनी सांगितले की, मला पाकिस्तानमध्ये क्रिकेटच्या भल्यासाठी काम करायचे आहे, परंतु ज्या प्रकारचे वातावरण निर्माण झाले आहे त्यात काम करणे त्यांच्यासाठी अवघड आहे.
पाकिस्तान क्रिकेटमधील बदलाचा टप्पा एकदिवसीय विश्वचषकानंतरच सुरू झाला आहे. सपोर्टिंग स्टाफ ते कर्णधार असे बदल करण्यात आले. झका अश्रफ यांना आपली खुर्ची वाचवण्यात यश आले असले, तरी मंडळातील वादामुळे आता खुद्द झका अश्रफ यांनीच पदभार सोडण्याचा निर्णय घेतला आहे. अशा परिस्थितीत पीसीबीच्या नव्या प्रमुखाची नेमणूक कधी होणार हे अद्याप ठरलेले नाही.
पाकिस्तानी संघ न्यूझीलंड दौऱ्यावर
पाकिस्तान क्रिकेट संघ सध्या न्यूझीलंड दौऱ्यावर पाच टी-२० सामन्यांची मालिका खेळत आहे. मालिकेतील चार सामने खेळले गेले आहेत. या सर्व सामन्यांमध्ये पाकिस्तानी संघाला दारुण पराभवाला सामोरे जावे लागले आहे. शाहीन आफ्रिदी या दौऱ्यावर न्यूझीलंड संघाचे नेतृत्व करत आहे. न्यूझीलंड दौऱ्यापूर्वी पाकिस्तानी संघ कसोटी मालिकेसाठी ऑस्ट्रेलियाला गेला होता. येथेही संघाला कसोटी मालिकेत ३-० असा पराभव स्वीकारावा लागला.
भक्ती गुरव यांच्याविषयी
भक्ती गुरव कंसल्टेंट
“भक्ती गुरव, महाराष्ट्र टाइम्स ऑनलाइनमध्ये कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा ३ वर्षांचा अनुभव आहे आणि आता मटा ऑनलाइनमध्ये आहे. क्रीडासोबतच अर्थविषयक बातम्यांमध्ये रस.”Read More
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
